Токиодағы Олимпиада ойындары алдында допинг қолданған спортшыларға Токио 2020 және Париж 2024 Олимпиада ойындарынан алшақтатылу қаупі бар
24 наурызда, коронавирустың таралуына байланысты, Олимпиада ойындары 2021 жылға ауыстырылды. 30 наурызда кейінге қалдырылған Токио Олимпиадасының жаңа кезеңі ресми түрде жарияланды. Конференция барысында тиісті шешімді Халықаралық Олимпиада комитеті, Халықаралық паралимпиада комитеті, Жапония үкіметі, Токио-2020 ұйымдастыру комитеті, сондай-ақ Жапония астанасының үкіметі қабылдады.
COVID-19 таралуына байланысты пайда болған «терезе» әділетсіз спортшыларға допингке қарсы қозғалыс тыйым салған заттарды қабылдау мүмкіндігін тудырды.
Токиода өтетін кейінге қалдырылған 2020 жылғы Олимпиадаға дейін допинг қолданған спортшылар бұл шараға және төрт жылдан кейінгі Париж Ойындарынан да шеттетілетінін Жеңіл Атлетика Тұтастық бөлімі (AIU) ескертеді.
Дүниежүзілік жеңіл атлетикада допинг қолдануға қарсы шаралармен айналысатын AIU бұл ескертуді коронавирустық пандемияның допингке қарсы күреске кері әсері алаңдатқан себебімен жіберді. Кейбір елдерде допингке тестілеу айтарлықтай төмендеді, ал басқаларында мүлдем тоқтап қалды, нәтижесінде спортшылар осы олқылықтарды пайдалана алу мүмкіндігіне ие болды.
AIU 23 шілде – 2021 жылғы 8 тамызға жоспарланған Олимпиада ойындары алдында алаяқтық жасауға тырысатын спортшыларды тыйым салынған препараттарды заңсыз қолданған жағдайда қатарынан екі Ойыннан алшақтатылатынын ескертті.
Токио Ойындарын 2021 жылға жылжыту биыл дисквалификациядан шығатын допингке қарсы ережені бұзған жүздеген адамдарға жаңа мүмкіндік тудырды.
Өткен аптада бұқаралық ақпарат құралдары 200-ден астам спортшылардың дисквалификациясы 2021 жылдың мамыр айының соңында аяқталатынын хабарлады. AIU бұл көрсеткішке алаңдаушылығы бар ма деген сұраққа былай деп жауап берді: «Бұл мәселе біздің бақылауымыздан тыс. Дүниежүзілік допингке қарсы кодекске сәйкес санкциялар уақытша болып табылады және ойындарға байланысы жоқ. Біз 2021 жылы Токио Олимпиадасының тұтастығын қорғауды жалғастырамыз. Ойындар алдында алаяқтыққа жол берген спортшылардың болмауын қадағалаймыз. Кез келген осындай спортшы Токио Олимпиадасынан да, Париж Олимпиадасынан да алшақтатылады.»
